Italia po ashpërson Kodin Rrugor me një projektligj që parashikon gjobë prej 75 eurosh për këmbësorët që përdorin telefonin celular ose pajisje të tjera elektronike gjatë kalimit të rrugës. Kjo masë synon të rrisë sigurinë në trafik dhe të ulë aksidentet e shkaktuara nga shpërqendrimi i këmbësorëve dhe drejtuesve të mjeteve. Përjashtime bëhen për përdorimin në raste emergjente dhe për pajisjet “hands-free”, ndërsa përdorimi i telefonit gjatë ecjes në trotuar mbetet i lejuar. Ndërkohë, Italia planifikon të ashpërsojë edhe ndëshkimet për shoferët që përdorin telefonin gjatë drejtimit, me gjoba deri në 2,588 euro dhe pezullim të lejes së drejtimit për shkelësit e përsëritur.