Një jaht luksoz me vlerë 8 milionë euro dhe gjatësi rreth 30 metra u fundos mbrëmjen e 11 gushtit në ujërat pranë ishullit të Kapuçinëve dhe Capo Ferro në Costa Smeralda, Itali. Në bord ndodheshin 14 persona, përfshirë pasagjerë dhe ekuipazh, të cilët u evakuuan me sukses dhe nuk pësuan lëndime. Shkaku i fundosjes ishte një defekt në motor që shkaktoi zjarr në bord, i cili u kontrollua shpejt, por uji hyri në trupin e jahtit duke e bërë atë të fundoset në thellësi prej rreth 7 metrash. Autoritetet po monitorojnë situatën për të parandaluar ndonjë dëm mjedisor, ndërsa zona është izoluar dhe pritet të vijë një rimorkiator për nxjerrjen e jahtit.