Komuna e Kaçanikut ka shqiptuar një gjobë prej 500 euro ndaj një personi të kapur duke hedhur mbeturina në mënyrë të paligjshme. Identifikimi i kundërvajtësit është bërë falë kamerave të sigurisë të vendosura në zonat ku më parë janë larguar deponi ilegale. Autoritetet komunale paralajmërojnë se monitorimi do të vazhdojë dhe çdo person që ndot mjedisin do të përballet me masa ndëshkuese sipas ligjit. Për të lehtësuar menaxhimin e mbeturinave, është caktuar Zona Kadastrale Runjevë si vend i përshtatshëm për hedhjen e mbeturinave inerte dhe voluminoze, ndërsa qytetarët ftohen të respektojnë këto udhëzime për të mbrojtur ambientin.