Një video e publikuar në rrjetet sociale ku shfaqej një kalë i futur në një mjet lundrues në bregdetin e Velipojës ka nxitur ndërhyrjen e Policisë. Pas verifikimeve, janë identifikuar tre persona të përfshirë në këtë rast, të cilët janë proceduar penalisht për keqtrajtimin e kafshës. Pronari i mjetit lundrues është gjobitur me 500 mijë lekë të rinj për shkelje administrative. Policia ka bërë thirrje që qytetarët të denoncojnë çdo rast të keqtrajtimit të kafshëve në numrin pa pagesë 112, duke garantuar reagim të shpejtë dhe ligjor.