Një kamion i tonazhit të rëndë është përfshirë nga flakët dhe është shkrumbuar plotësisht gjatë lëvizjes në bypass-in e Vlorës. Ngjarja ka ndodhur gjatë ditës së sotme, ndërsa dyshohet se zjarri ka nisur nga një defekt në motor ose një shkëndijë elektrike. Forcat zjarrfikëse kanë ndërhyrë në vendngjarje dhe kanë bërë të mundur shuarjen e flakëve, por dëmet materiale janë të mëdha. Fatmirësisht, drejtuesi i kamionit ka arritur të dalë në kohë nga kabina dhe nuk ka pësuar lëndime. Policia po vijon hetimet për të përcaktuar shkakun e saktë të incidentit.