Një kamionetë e ngarkuar me shishe uji është rrokullisur në autostradën “Ibrahim Rugova”, në drejtimin Prizren-Prishtinë, pranë kilometrin e 51-të. Në aksident janë lënduar dy persona, të cilët kanë marrë tretman mjekësor për plagët e tyre. Njësia e trafikut të autostradës ka ndërmarrë procedurat e nevojshme në vendin e ngjarjes, ndërsa njëri shirit i lëvizjes është bllokuar përkohësisht për shkak të aksidentit. Ngjarja ka ndodhur rreth orës 09:30 të së shtunës, ndërsa policia ka konfirmuar se në aksident është përfshirë vetëm kjo kamionetë.