Komuna e Prishtinës ka prezantuar një kamion të ri sulmues për Brigadën Profesionale të Zjarrfikësve, i dizajnuar posaçërisht për luftën ndaj zjarreve në zonat urbane. Ky automjet modern, me vlerë mbi 330 mijë euro, është i pajisur me teknologji bashkëkohore që do të mundësojë ndërhyrje më të shpejta dhe efektive në situata emergjente, duke lehtësuar punën e zjarrfikësve dhe rritur sigurinë e qytetarëve. Kryetari i komunës, Përparim Rama, theksoi se ky është vetëm fillimi i një serie investimesh, përfshirë edhe një kamion tjetër për zjarret malore dhe përmirësimin e kushteve shëndetësore të zjarrfikësve. Drejtori i zjarrfikësve, Malë Gashi, vuri në dukje se automjeti i ri do të shërbejë për reagimin e parë në zjarre urbane dhe aksidente, duke zëvendësuar flotën e vjetër dhe duke rritur kapacitetet operative të brigadës.