Një kamion është aksidentuar sot në fshatin Penuhë të Podujevës, duke shkaktuar që ngarkesa e tij të përfundojë në rrugë dhe të bllokojë komunikacionin në këtë segment. Për momentin, rruga është e bllokuar përkohësisht dhe njësitet përkatëse ndodhen në vendin e ngjarjes për të menaxhuar situatën dhe për të rivendosur qarkullimin. Ende nuk janë bërë të ditura rrethanat e aksidentit apo nëse ka persona të lënduar. Autoritetet janë kontaktuar dhe pritet një përgjigje zyrtare për detajet e mëtejshme.