Në Obiliq është ndaluar për 48 orë një person i dyshuar për kanosje të vazhdueshme ndaj ish-bashkëshortes së tij. Ai dyshohet se i ka dërguar asaj video dhe fotografi ku shfaqet duke gjuajtur me armë në një poligon, duke ushtruar presion dhe shqetësim të vazhdueshëm. Gjatë hetimeve është intervistuar edhe një dëshmitar, ndërsa dyshohet se i njëjti person ka kanosur dhe nënën e tij, e cila jeton jashtë vendit. I dyshuari është kontrolluar mjekësisht dhe më pas është dërguar për konsultë psikiatrike, ndërsa ka pranuar në prani të avokatit se ka dërguar videot ndaj ish-bashkëshortes; ai posedon edhe raporte të mëparshme psikiatrike. Me urdhër të prokurorit është iniciuar rasti për veprën penale “Kanosje” në kuadër të dhunës në familje dhe i dyshuari është dërguar në Qendrën e Mbajtjes për 48 orë. Hetimet për këtë rast vazhdojnë.