Një incident i ndodhur të premten pasdite në Prishtinë përfundoi me arrestimin e një personi nën dyshimin për kanosje dhe rrezikim të trafikut publik. Sipas Policisë së Kosovës, i dyshuari kanosi kolegun e tij me një armë që më vonë rezultoi të ishte lodër, dhe më pas u largua nga vendi i ngjarjes duke lëvizur në kahje të kundërt në rrugë, duke rrezikuar pjesëmarrësit e tjerë në trafik. Pas ndjekjes, policia e lokalizoi dhe arrestoi të dyshuarin, i cili me vendim të prokurorit është dërguar në mbajtje. Hetimet për zbardhjen e plotë të rrethanave vazhdojnë.