Kanye West u shfaq në gjykatën e Los Angeles-it për të përballuar një padi nga ish-punonjësi i tij, Tony Saxon, i cili pretendon se nuk është paguar për punën në rinovimin e vilës së reperit dhe se është pushuar padrejtësisht. West ishte i veshur në mënyrë të thjeshtë dhe serioze, me një pallto të gjatë lëkure dhe kostum të zi, duke treguar një gjendje të trishtuar gjatë mbërritjes në gjykatë. Një ditë më parë, gruaja e tij, Bianca Censori, u paraqit gjithashtu në gjykatë me një veshje shumë konservatore dhe të përmbajtur, në kontrast me stilin e saj të zakonshëm provokues. Paraqitja e saj u interpretua si respekt ndaj rregullave të rrepta të veshjes që gjyqtari kishte kërkuar gjatë seancave gjyqësore.