Mëngjesin e sotëm në Qendrën e Paraburgimit në Pejë ka ndodhur një incident i rëndë ku i paraburgosuri Kastriot Grapci është bërë agresiv ndaj zyrtarëve korrektues. Ai dyshohet se fillimisht ka kërkuar të dërgohet te mjeku, por pasi i është thënë të presë, ka nisur të fyejë dhe kërcënojë stafin gjatë shoqërimit drejt qelisë së tij. Situata ka eskaluar në zyrën e mbikëqyrësve, ku Grapci ka kapur për fyti një zyrtar dhe më pas ka goditur me grusht një tjetër gjatë tentativës për t’u larguar. Gjatë ndërhyrjes për neutralizimin e tij, tre zyrtarë korrektues kanë pësuar lëndime dhe kanë marrë tretman mjekësor, ndërsa rasti është iniciuar nga Prokuroria si “Sulm ndaj personit zyrtar” dhe “Kanosje”, me hetimet që vazhdojnë.