Mëngjesin e së shtunës në Emergjencën e QKUK-së në Prishtinë, një person i dehur dhe i dyshuar për sjellje agresive ndaj stafit mjekësor shkaktoi kaos. Valon Murtezi, 32 vjeç, i cili kishte mbërritur për trajtim pas një aksidenti trafiku, filloi të sulmonte stafin dhe më pas edhe zyrtarët policorë që ndërhynë për ta qetësuar. Gjatë arrestimit, ai kundërshtoi urdhrat dhe sulmoi fizikisht dy policë, duke kafshuar njërin prej tyre në dorë dhe duke i shkaktuar lëndime trupore. Pas marrjes në kontroll, Murtezi u dërgua në Qendrën e Ndalimit dhe rasti po hetohet si “Sulm ndaj personit zyrtar”.