Autoritetet doganore në Portin e Durrësit kanë kapur një sasi prej 80 litrash lëndë të dyshuar insekticide, e cila ishte e padeklaruar dhe pa dokumentacionin përkatës. Kjo ngarkesë u zbulua gjatë kontrolleve të ushtruara në vijën e dytë të kontrollit për mjetet e rënda, në një furgon që kishte mbërritur me tragetin Bari-Durrës. Për shkak të mungesës së dokumentacionit dhe dyshimeve mbi përmbajtjen, malli dhe mjeti janë kaluar për verifikime dhe procedura ligjore nga organet kompetente. Dogana ka njoftuar se kontrollet në port do të vazhdojnë për të siguruar që mallrat që hyjnë në territorin shqiptar të jenë të rregullta dhe të dokumentuara.