Në një operacion të Forcës së Posaçme “Shqiponja” në Tiranë, u arrestua një 27-vjeçar nga Paskuqani, i cili u kap duke ndarë lëndë narkotike në doza për shitje në zona të ndryshme të kryeqytetit. Ai u përpoq të largohej me vrap sapo pa policinë, por u kap menjëherë nga efektivët. Gjatë kontrollit në automjetin ku ndodhej, iu gjetën doza të kokainës, cannabis sativa, përzierje crack dhe municion luftarak. Materialet procedurale janë referuar Prokurorisë për veprime të mëtejshme, ndërsa arrestimi është pjesë e intensifikimit të punës për goditjen e veprimtarive kriminale në fushën e narkotikëve.