Një rast i peshkimit ilegal është parandaluar dje në Nashec të Prizrenit, ku tre persona janë kapur duke peshkuar me rrjeta krahu në mënyrë të paligjshme. Federata e Peshkatarëve ka paralajmëruar fillimisht personat, por ata u larguan drejt Lukinjës me një lundër me motor për të vazhduar peshkimin. Policia e Kosovës, pas hetimeve, ka arritur t’i identifikojë dhe t’i shoqërojë në stacion policor së bashku me lundrën dhe tre thikat që u gjetën në barkë. Rasti është hapur për peshkim të kundërligjshëm, ndërsa lundra është konfiskuar deri në vendimin e gjykatës.