Seksioni për Hetimin e Trafiqeve finalizoi operacionin e koduar “Delivery”, duke goditur një tentativë trafiku armësh nga Shtetet e Bashkuara drejt Shqipërisë. Një 32-vjeçar u arrestua në flagrancë në një degë postare në Tiranë, teksa merrte një pako që përmbante pjesë armësh, përfshirë një tytë arme zjarri, një silenciator dhe dy krehra. Operacioni u zhvillua pas indicieve për trafikim të pjesëve të armëve përmes shërbimit postar, ndërsa hetimet vijojnë për të identifikuar dhe ndëshkuar edhe personat e tjerë të përfshirë. Materialet iu referuan Prokurorisë së Tiranës për veprime të mëtejshme ligjore.