Një 33-vjeçar, i identifikuar si Arianit Muja, u kap në flagrancë nga Policia në Prishtinë, pasi dyshohet se kishte hyrë në një shtëpi të pabanuar dhe kishte përvetësuar gjësende me vlerë. Ngjarja ndodhi më 17 gusht në rrugën “Fatbardha Gega”, ku dy zyrtarë policorë vërejtën dyert dhe dritaret e hapura dhe një person të panjohur në katin e tretë të shtëpisë. Kur Muja pa policinë, tentoi të largohej duke kaluar përmes ballkoneve dhe rrethojave, por zyrtarët i shkuan pas dhe e kapën në vendngjarje. Pas arrestimit, ai u ndalua për 48 orë dhe rasti u regjistrua si “Vjedhje e rëndë”, ndërsa hetimet vazhdojnë nën mbikëqyrjen e Prokurorit kujdestar.