Policia e Prizrenit ka arrestuar një 41-vjeçar nga fshati Velezhë, i cili ishte në arrati dhe në kërkim për të vuajtur një dënim prej katër vitesh burgim efektiv. I dyshuari, i identifikuar si N.K., ishte dënuar me dy vendime të plotfuqishme për veprën penale të blerjes, posedimit, shpërndarjes dhe shitjes së paautorizuar të narkotikëve dhe substancave psikotrope. Pas operacioneve hetimore dhe veprimeve operative, policia arriti të lokalizojë dhe arrestojë të dyshuarin në Prizren. Ai është dërguar në burg për të vuajtur dënimin e shqiptuar nga Gjykata Themelore.