Policia e Shqipërisë ka realizuar një operacion të suksesshëm në Sarandë, ku është arrestuar një person i shumëkërkuar dhe me rrezikshmëri të lartë shoqërore. Operacioni, i koduar “Fast”, u zhvillua në bashkëpunim mes Komisariatit të Policisë Sarandë dhe Drejtorisë së Forcës së Posaçme Operacionale, duke lokalizuar të dyshuarin në zonën e Ksamilit brenda një automjeti tip “Audi”. I arrestuari, shtetasi E.K., 34 vjeç nga Elbasani, ishte shpallur në kërkim për veprat penale “Grup i strukturuar kriminal” dhe “Sigurimi i kushteve dhe mjeteve materiale për të kryer vrasje”, me një dënim total prej 4 vjet burgim, prej të cilit i kanë mbetur për të vuajtur 2 vjet, 9 muaj dhe 9 ditë.