Policia e Shtetit ka arrestuar në Tropojë autorin e dyshuar të vrasjes së Egli Pashollarit, 32 vjeç, i cili u vra më 20 shkurt 2026 në një konflikt në rrugë në zonën e ish-parkut në Tiranë. Operacioni i koduar “Distanca”, i realizuar nga Policia dhe Prokuroria e Tiranës, rezultoi me lokalizimin dhe ndalimin e shtetasit Gazment Bucpapa, 40 vjeç, i cili ishte fshehur në banesën e tij në vendlindje. Gjatë hetimeve u konstatua se ai dyshohet për veprat penale “Vrasja me dashje” dhe “Prodhimi, mbajtja, blerja apo shitja pa leje e armëve të ftohta”. Materialet procedurale janë referuar Prokurorisë së Tiranës për veprime të mëtejshme.