Një operacion i policisë greke në Follorinë ka rezultuar me kapjen e mbi 55 kilogramëve marihuanë dhe arrestimin e një shtetasi shqiptar 68-vjeçar, i cili dyshohet për trafikim të lëndës narkotike. Gjatë kontrollit të automjetit të tij u gjetën 50 pako me drogë dhe tre telefona celularë, që do të shfrytëzohen për hetime të mëtejshme. Autoritetet greke raportojnë një riaktivizim të trafikut ndërkombëtar të drogës nga Shqipëria drejt Greqisë, ku gjatë 11 muajve të fundit janë sekuestruar mbi 1.2 ton marijuanë në disa zona kufitare. Një prej linjave kryesore të trafikut mbetet ajo Sarandë–Igumenicë, ndërsa në raste të tjera janë bllokuar edhe skafe të ngarkuara me lëndë narkotike.