Policia e Kosovës ka ndaluar një burrë në Lupç të Podujevës, i cili dyshohet se po transportonte ilegalisht drunj. Ngjarja ka ndodhur të hënën paradite, kur një kamion me targa vendore u ndalua nga njësitë policore. Kamioni ishte i ngarkuar me 20 metra kub dru të përpunuara, por pa dokumentacionin e nevojshëm. Masa drurore u inspektua nga Agjensioni i Pyjeve të Kosovës dhe u sekuestrua për shkak të mungesës së lejeve përkatëse.