Një organizatë kriminale e trafikut të kokainës, me lidhje mes Italisë, Shqipërisë dhe Dubai-t, është shkatërruar pas një operacioni të gjerë të Guardia di Finanza në Umbria dhe Perugia. Gjatë aksionit janë arrestuar 6 persona të tjerë, duke e çuar në 13 numrin total të të ndaluarve, përfshirë dy gra, njëra prej të cilave bashkëshortja e kreut të kartelit, i cili përdorte familjen për të maskuar aktivitetet e paligjshme. Hetimet u bazuan në përgjime telefonike, lokalizime satelitore dhe teknologji të avancuara, ndërsa anëtarët e organizatës komunikonin përmes pajisjeve të pagjurmueshme “kriptofone” për të shmangur zbulimin. Gjatë hetimit u dokumentuan rreth 40 raste të trafikut të drogës, me një sasi totale prej të paktën 200 kg kokainë, ndërsa një prej të arrestuarve u kap me 25 kg të fshehura në mënyrë të sofistikuar në makinën e tij.