Gjatë kontrolleve të specializuara në terren, KRU “Prishtina” ka zbuluar katër lidhje ilegale në rrjet brenda vetëm pak orësh në zonat e Bardhoshit dhe Prugovcit. Këto ndërhyrje të paautorizuara shkaktojnë shkelje të rregullave dhe mund të çojnë në humbje të ujit dhe dëmtime të rrjetit. Ekipet e KRU-së do të vazhdojnë inspektimet për të parandaluar keqpërdorimet dhe për të siguruar furnizimin e sigurt të ujit për konsumatorët. Po ashtu, KRU “Prishtina” u bën thirrje qytetarëve të mos ndërhyjnë në rrjet dhe të raportojnë çdo rast të dyshimtë për të shmangur rreziqet dhe dëmtimet.