Gjatë protestës së zhvilluar paraditen e sotme para Kuvendit, 18 persona u ndaluan nga Policia pas incidenteve të dhunshme. Katër prej tyre, të kapur në flagrancë duke dëmtuar një automjet policie, do të qëndrojnë në qeli dhe brenda 72 orëve pritet të dalin para Gjykatës së Tiranës për caktimin e masës së sigurisë. Këta katër të ndaluar dyshohen për veprën penale “Shkatërrimi i pronës”. Incidentet e protestës shkaktuan plagosjen e nëntë efektivëve të policisë dhe dëmtime edhe për pesë protestues. Situata mbetet e tensionuar ndërsa priten zhvillimet ligjore për të ndaluarit.