Një incident me armë zjarri në Podujevë ka lënë katër persona të plagosur, mes tyre dy vëllezër dhe një kalimtar i rastit. Të plagosurit janë identifikuar si Fidaim Zejullahu, shtetas gjerman, vëllai i tij Fatlum Zejnullahu, Agim Xhemaji dhe Argjend Islami, i cili ishte kalimtar në momentin e ngjarjes. Policia ka sekuestruar dhjetëra prova materiale në vendin e ngjarjes dhe po vazhdon hetimet intensive për të zbardhur rrethanat dhe për të identifikuar të gjithë personat e përfshirë. Të plagosurit u dërguan në Qendrën Klinike Universitare të Kosovës për trajtim, ndërsa autoritetet mbajnë nën vëzhgim situatën dhe premtojnë informacione të mëtejshme.