Katër persona, dy gra dhe dy burra, humbën jetën pasi një varkë e vogël që transportonte emigrantë u fundos në Kanalin Anglez, pranë brigjeve veriore të Francës. Ngjarja ndodhi rreth orës 7 të mëngjesit midis plazheve të Equihen dhe Ecault, ku rrymat e forta të detit dhe kushtet e vështira shkaktuan tragjedinë. Rreth 30 persona ishin në bord gjatë incidentit, ndërsa disa të tjerë u dërguan në spital me hipotermi dhe lëndime të lehta. Autoritetet lokale dhe qeveria britanike reaguan me pikëllim, duke theksuar rrezikun e rrjeteve kriminale që shfrytëzojnë emigrantët, ndërsa operacionet e kërkim-shpëtimit vazhduan në zonë për të vlerësuar situatën dhe numrin e viktimave.