Në 24 orët e fundit në Kosovë janë regjistruar katër raste të vdekjeve të dyshuara në qytete të ndryshme, për të cilat Policia ka nisur hetimet. Rastet janë regjistruar në Podujevë, Mitrovicë, Leposaviq dhe Zveçan, ku viktimat janë gjetur pa shenja jete dhe vdekjet janë konstatuar nga mjekët kujdestarë në vendin e ngjarjes. Trupat e pajetë janë dërguar në Institutin e Mjekësisë Ligjore për obduksion, ndërsa hetimet vazhdojnë nën drejtimin e prokurorëve kompetentë. Policia po punon për të zbardhur shkaqet e vdekjeve dhe për të përcaktuar nëse ka elementë të dyshimtë në këto ngjarje.