Korporata Energjetike e Kosovës (KEK) ka shprehur pikëllim të thellë për humbjen e jetëve të dy punëtorëve të saj dhe ka përcjellë ngushëllime familjeve dhe kolegëve të viktimave. Në një takim të jashtëzakonshëm të Bordit të Drejtorëve dhe Menaxhmentit, është diskutuar për rrethanat e ngjarjes dhe janë marrë masa për përmirësimin e sigurisë në punë. Si pjesë e këtyre masave, KEK ka formuar një Task Forcë për Sigurinë Industriale dhe Shëndetin në Punë, e cila do të përfshijë edhe ekspertë të jashtëm dhe do të bëjë rishikimin e plotë të protokolleve dhe procedurave ekzistuese. Task Forca ka për detyrë identifikimin e mangësive dhe marrjen e masave konkrete për forcimin e sigurisë, ndërsa KEK paralajmëron njoftime të mëtejshme për hapat që do të ndërmerren në këtë drejtim.