Korporata Energjetike e Kosovës (KEK) ka reaguar pas aksidenteve të fundit në vendin e punës duke aktivizuar një Task-Forcë të posaçme për vlerësimin dhe përmirësimin e sistemit të sigurisë dhe shëndetit në punë. Kjo Task-Forcë përbëhet nga përfaqësues të strukturave operative, profesionale dhe sindikalë të KEK-ut, dhe mund të përfshijë ekspertë të brendshëm dhe të jashtëm sipas nevojës. Fokus i saj është shqyrtimi i procedurave, standardeve dhe praktikave ekzistuese, si dhe identifikimi i mangësive për të propozuar masa konkrete për forcimin e sigurisë dhe përgjegjësisë në të gjitha nivelet e Korporatës. Menaxhmenti i KEK-ut do të mbikëqyrë zbatimin e këtyre masave, duke e bërë sigurinë dhe shëndetin e punonjësve prioritet absolut.