Bordi i drejtorëve dhe menaxhmenti i KEK-ut kanë shprehur pikëllimin e thellë për humbjen e jetëve të punëtorëve dhe kanë përcjellë ngushëllimet më të sinqerta familjeve dhe kolegëve të tyre. Në një takim të jashtëzakonshëm, është informuar për rrethanat e ngjarjes, ndërsa hetimet nga organet kompetente dhe ekspertët e forenzikës janë në zhvillim e sipër. Për të përmirësuar sigurinë industriale dhe shëndetin në punë, KEK-u do të formojë një Task-Forcë që do të rishikojë protokollet dhe standardet ekzistuese, duke përfshirë edhe ekspertë të jashtëm. Vlerësimi i rrezikshmërisë së vendeve të punës, i kontraktuar gjatë këtij viti, është në fazën e implementimit dhe do të ndihmojë në marrjen e masave konkrete për eliminimin e rreziqeve në vendet e punës.