Një ngjarje e dhunës në familje është raportuar në Gjakovë, ku një i ri dyshohet se ka kërcënuar bashkëshorten e tij pas një krize në martesë dhe mosmarrëveshjeve për shkurorëzimin. Ai dyshohet se përmes telefonit i ka thënë viktimës se do të publikojë fotografitë dhe videot e saj në rrjete sociale, si dhe e ka ofenduar me fjalë fyese. Nuk ka pasur kontakt fizik dhe viktima nuk ka pësuar lëndime trupore apo kërkuar trajtim mjekësor. Pas veprimeve hetimore, i dyshuari është gjetur dhe shoqëruar për intervistim, ndërsa rasti është iniciuar si “Dhunë në familje” dhe hetimet vazhdojnë.