Organizata terroriste “Brigada e Veriut”, e shpallur e tillë nga institucionet e Kosovës që në qershor 2023, ka publikuar një video kërcënuese drejtuar Kosovës. Në këtë video shfaqen persona të armatosur që flasin për përgatitje dhe ardhje në Kosovë, duke përdorur gjuhë nacionaliste dhe duke përmendur lidhjet mes Rusisë dhe Serbisë. Njëri prej tyre paralajmëron se po përgatiten në një “fushëbetejë” dhe sfidon autoritetet kosovare me mesazhin “Na pritni, së shpejti po vijmë”. Kjo video është publikuar në profilin e tyre në Facebook dhe përmban mesazhe të drejtpërdrejta kërcënuese që rrisin tensionet në rajon.