Një incident i rëndë ka ndodhur në zyrat e kompanisë Art Motion në Fushë Kosovë, ku një 33-vjeçar, Besnik Gjocaj, dyshohet se ka kanosur me fjalët “Do ta paguani me jetë” një punonjëse 26-vjeçare, E.S., pasi ajo kishte njoftuar Policinë. Ngjarja ka ndodhur në rrugën “Enver Maloku”, ku i dyshuari fillimisht përdori fjalor fyes dhe u soll në mënyrë agresive ndaj punonjëses. Pas shoqërimit në Stacionin Policor, ai ka vazhduar sjelljen e pakontrolluar duke goditur me kokë raftet dhe duke shkaktuar dëme materiale në ambientet e Policisë. Me urdhër të Prokurorit, ndaj tij është caktuar masa e ndalimit për 48 orë dhe po hetohet për veprat penale “Kanosje” dhe “Asgjësim apo dëmtim i pasurisë”.