Një 29-vjeçar, identifikuar si Ali Tafolli, është arrestuar nga Policia e Kosovës pas një incidenti në Suharekë ku dyshohet se ka kërcënuar me vrasje dy zyrtarë policorë. Ngjarja ndodhi mëngjesin e së premtes në parkingun “Xoni”, ku i dyshuari tentoi të tërhiqte automjetin në mënyrë të njëanshme dhe u bë agresiv kur policët i kërkuan të respektonte procedurat ligjore. Pas shoqërimit në stacionin policor, ai vazhdoi kërcënimet ndaj policëve, duke u thënë se do t’i vriste. Gjatë testimit rezultoi se ishte nën ndikimin e alkoolit me 0.94 promil, ndërsa me urdhër të Prokurorit të Shtetit, ai u mbajt për gjashtë orë në stacion dhe pritet të merren vendime për procedurat e mëtejshme penale. Hetimet për këtë rast janë ende në vazhdim.