Një ngjarje alarmante ka ndodhur në Qendrën Emergjente në Lipjan më 24 maj, ku një person ka kërcënuar me vrasje një mjeke pasi nuk e ka gjetur në vendin e punës. I dyshuari, identifikuar si Flamur Krenzi, ka shkuar në Emergjencë dhe ka shpërthyer në kërcënime serioze para stafit, duke thënë se do ta vriste mjeken sapo ta takonte. Rasti është raportuar menjëherë në Polici nga një mjek që ka qenë dëshmitar i ngjarjes, ndërsa viktima ka shprehur shqetësimin dhe frikën e saj për jetën. Pas disa orësh, i dyshuari është paraqitur vetë në stacionin policor dhe është intervistuar, ndërsa Prokurori ka inicuar procedurë për “Kanosje ndaj personit zyrtar”.