Kërkimet për Xhafer Raqin, 78-vjeçarin i cili është zhdukur që nga fillimi i korrikut dhe vuan nga demenca, do të vazhdojnë edhe nesër me kërkesë të Policisë së Kosovës. Në operacion do të përfshihen edhe ekipet e kërkim-shpëtimit, të cilët do të zgjerjnë kërkimin në zonat ku dyshohet se mund të jetë i moshuari. Familjarët kanë bërë apel për ndihmën e qytetarëve, duke kërkuar që kushdo që ka informacion të kontaktojë menjëherë në numrin +383 44 737 900. Operacioni pritet të nisë në orët e para të mëngjesit, ndërsa shqetësimi për gjendjen e tij është i madh për shkak të sëmundjes së demencës.