Kërkimet për 78-vjeçarin Xhafer Raqi, i cili është shpallur i zhdukur nga familja prej gati një jave, janë pezulluar përkohësisht pas përfundimit të operacionit të sotëm. Ky vendim është marrë deri në marrjen e ndonjë informacioni të ri ose piste të re që mund të çojë në gjetjen e tij. Në kërkime kanë marrë pjesë familjarët, qytetarë, policia, Shoqata e Kërkim-Shpëtimit, Drejtoria e Emergjencave dhe Forcat e Sigurisë së Kosovës. Deri tani është gjetur vetëm një sandale që dyshohet se i përket të moshuarit, por ende nuk ka asnjë gjurmë tjetër që të ndihmojë në zbardhjen e fatit të tij.