Në Klinikën e Kirurgjisë Abdominale të Qendrës Klinike Universitare të Kosovës u krye me sukses një ndërhyrje komplekse kirurgjikale në një paciente 21-vjeçare, e cila iu nënshtrua hemihepatektomisë së majtë për shkak të një tumori hepatik. Ky lloj rezeksioni i mëlçisë konsiderohet ndër më të vështirët në kirurgjinë abdominale, duke kërkuar ekspertizë të lartë, planifikim të kujdesshëm dhe bashkëpunim multidisiplinar. Ekipi i specializuar, përbërë nga kirurgë, anesteziologë dhe personel mbështetës, arriti të realizojë ndërhyrjen pa komplikime, ndërsa pacientja u lirua në gjendje të stabilizuar dhe të mirë shëndetësore. Ky sukses tregon kapacitetet profesionale dhe përvojën e stafit shëndetësor të QKUK-së në trajtimin e rasteve kirurgjikale komplekse.