Gjatë një inspektimi të jashtëzakonshëm në Lisiçe të Poshtme, Komuna e Aerodromit ka kapur një kamion duke hedhur mbeturina ndërtimore në mënyrë të paligjshme në zonën e quajtur “Kupishta”. Për këtë shkelje, inspektorati komunal ka shqiptuar një gjobë prej 20.000 eurosh ndaj kompanisë përgjegjëse, në përputhje me Ligjin për menaxhimin e mbeturinave. Autoritetet lokale theksojnë se do të vazhdojnë me kontrolle të rrepta për të parandaluar ndotjen dhe krijimin e deponive ilegale në territorin e komunës. Ata bëjnë apel për përgjegjësi nga qytetarët dhe bizneset, duke paralajmëruar sanksione për çdo shkelje të ligjit.