Komuna e Drenasit ka njoftuar qytetarët e prekur nga dëmet e shkaktuara nga reshjet e breshërit se kanë nisur procedurat për pranimin e kërkesave për vlerësimin e dëmeve. Afati për dorëzimin e aplikimeve është nga 22 deri më 29 korrik, dhe pas kësaj date nuk do të pranohen më kërkesa të reja. Formularët mund të merren dhe dorëzohen çdo ditë pune në sportelet nr. 10 dhe 11 në objektin e komunës, nga ora 08:00 deri në 16:00. Komuna bën apel që qytetarët të respektojnë afatin dhe të dorëzojnë dokumentacionin e nevojshëm për të lehtësuar procesin e vlerësimit nga Komisionet përkatëse.