Komuna e Pejës ka ndarë rreth 258 mijë euro për trajtimin e qenve endacakë në territorin e saj, duke nënshkruar një kontratë që zgjat nga 12 shkurt 2025 deri më 11 shkurt 2028. Kjo kontratë synon menaxhimin e mbi 2 mijë qenve endacakë, por pavarësisht këtyre investimeve, banorët në rrugën “Besnik Lajqi” vazhdojnë të përballen me shqetësime të mëdha. Lehjet e qenve gjatë natës po u prishin gjumin dhe cilësinë e jetës, duke i bërë ata të kërkojnë masa më konkrete dhe reagim të shpejtë nga autoritetet komunale. Situata në terren mbetet e pandryshuar, ndërsa qytetarët shprehin zhgënjim për mungesën e rezultateve nga trajtimi i qenve endacakë.