Në fshatin Gërçar të Kllokotit, një 29-vjeçar është arrestuar pasi dyshohet se ka sulmuar babanë e tij me shkop druri gjatë një mosmarrëveshjeje familjare. Viktima ka marrë lëndime në kokë dhe është trajtuar fillimisht në Qendrën Shëndetësore në Viti, më pas në Spitalin Rajonal të Gjilanit, ku është liruar pas marrjes së ndihmës mjekësore. I dyshuari, i cili është recidivist për raste të dhunës në familje, është intervistuar në prani të avokatit dhe është ndaluar për 48 orë me urdhër të Prokurorisë. Policia dhe prokuroria vazhdojnë hetimet për veprat penale “Dhunë në familje” dhe “Lëndim i lehtë trupor”.