Në Kurbin, tre persona janë arrestuar dhe një tjetër është shpallur në kërkim pas një incidenti ku është qëlluar me armë zjarri në drejtim të makinës së kushëririt të tyre. Ngjarja ndodhi në rrugën e Patokut, pas një konflikti verbal mes familjarëve, ku nuk pati të lënduar, por vetëm dëme materiale. Policia lokalizoi dhe ndaloi tre prej të përfshirëve, ndërsa po punon për kapjen e personit të katërt dhe gjetjen e armës së përdorur. Materialet iu referuan Prokurorisë së Lezhës për veprime të mëtejshme dhe për identifikimin e përgjegjësisë penale të secilit prej tyre.