Mbrëmjen e së shtunës në lagjen “Mollaj” të Rrogozhinës, një konflikt i çastit mes dy fqinjëve ka përfunduar tragjikisht me vrasjen e një 60-vjeçari. Sipas Policisë, 25-vjeçari Meklan Meçe ka goditur me thikë fqinjën e tij, Rrapush Memollën, gjatë një përplasjeje për motive të dobëta. I moshuari ka pësuar plagë të rënda dhe ka ndërruar jetë në vend, ndërsa autori është arrestuar menjëherë nga forcat e rendit falë reagimit të shpejtë. Prokuroria e Durrësit po vijon hetimet për zbardhjen e plotë të rrethanave dhe motiveve që çuan në këtë ngjarje tragjike.