Në orët e para të mëngjesit në lagjen nr. 16/1 të Durrësit, një 32-vjeçare u plagos me thikë gjatë një konflikti në banesë. Policia dyshon se autori është bashkëshorti i saj, një 40-vjeçar, i cili pas një mosmarrëveshjeje për motive të dobëta e ka sulmuar me mjet prerës. E plagosura u dërgua menjëherë në spital dhe ndodhet nën kujdesin e mjekëve, ndërsa autoritetet kanë shpallur në kërkim agresorin. Grupi hetimor, nën drejtimin e Prokurorisë, vijon punën për zbardhjen dhe dokumentimin e plotë të rrethanave të ngjarjes, ndërsa policia po kryen kontrolle intensive për kapjen e tij.