Në orët e para të mëngjesit në Ksamil, një turist portugez 20-vjeçar u vra me thikë pas një konflikti që nisi brenda një lokali për shkak të ngacmimit të një vajze. Shokët e viktimës treguan se Luis Miguel Varela Mendes u përfshi në sherr duke u përpjekur të qetësonte situatën, por ndërhyrja e tij përfundoi tragjikisht. Në ngjarje u përfshinë disa persona dhe punonjës të sigurisë, ndërsa dy shtetas turq dhe një 29-vjeçar shqiptar u kapën duke tentuar të largoheshin nga vendi i ngjarjes. Shtetasit turq, klientë të rregullt të lokalit dhe miq të 29-vjeçarit, mohuan përfshirjen në krim dhe deklaruan se e shoqëruan atë vetëm për shkak të marrëdhënies shoqërore.