Avokati Arianit Koci ka marrë mbrojtjen juridike të Shkëlzen Gashit dhe ka denoncuar se bastisja në shtëpinë e tij është kryer pa urdhër të gjykatës, duke u bazuar vetëm në një autorizim të prokurorit, i cili sipas tij nuk zëvendëson vendimin gjyqësor dhe përbën shkelje të Kushtetutës. Koci ka theksuar se kjo nguti e organeve shtetërore kontaminon çështjen penale dhe se procedimi ndaj Gashit për ekspozitën “Masakrat në Kosovë 1998–1999”, e cila është financuar nga Kuvendi dhe ka pasur leje nga Komuna e Prishtinës, përbën një precedent të rrezikshëm për lirinë e shprehjes dhe veprimtarinë publike.