Dogana e Kosovës ka zbuluar dhe ndaluar një rast të kontrabandës në Aeroportin Ndërkombëtar të Prishtinës “Adem Jashari”, ku u konfiskuan rreth 100 copë produkte të padeklaruara në bagazhin e një udhëtari. Kontrolli u bë pas një skanimi të rastësishëm në kanalin e gjelbër, ku zyrtarët doganorë vunë re parregullsi dhe zhvilluan një kontroll më të detajuar. Sipas Kodit Doganor të Republikës së Kosovës, rasti është cilësuar si kundërvajtje doganore për shkak të mosdeklarimit të mallrave. Dogana thekson përkushtimin e saj në parandalimin e kontrabandës dhe mbrojtjen e tregut dhe konsumatorëve në vend.